Morgunkósý í DK

Elsku vinir.

Ég er í einum kúrs sem er mögulega sá allra fjölmennasti í DTU. Þegar ég mætti í fyrsta tíma minnti það mig hálfpartinn á það þegar ég mætti í fyrsta tímann í Stærðfræðigreiningu IB í sal 1 í Háskólabíó - salurinn var það troðinn að fólk sat á gólfinu. Þannig var það líka í þessum kúrs, TEMO (technology, economics, management and organization). Til að koma til móts við nemendur þá ákváðu kennararnir að hafa life stream á fyrirlestrunum - núna hlakka ég alltaf til á miðvikudagsmorgnum að hafa quality-time hérna heima og horfa á fyrirlestra í ró og næði. Kósý að geta líka nýtt frímínútur í ýmislegt gagnlegt eins og til dæmis þvo þvott eða lita augabrúnir. Lúxus!

Horfa á TEMO fyrir þremur vikum - ljúft.

Fyrir ykkur heima þá ætla ég að láta fylgja nokkrar myndir af krúttlegu íbúðinni minni. Hún er að verða asskoti hugguleg.

Myndaveggurinn minn.

Skrifborð & vel valdar myndir.

Keypti þennan pretty spegil í IKEA um daginn;
góð redding að henda honum upp á stólinn/borðið.

Hafið það best, elskurnar!

Love,
Lilja.

Ræktin í DK

Tók meðfylgjandi mynd þegar ég fór í ræktina áðan. Fyrst þegar ég mætti var ég nú viss um að ég væri á vitlausum stað en ... fyrir innan þessar dyr gerast hlutirnir!

Lilja & ca 20 hönk að lyfta.

Stúdent í strætó

Þessa mynd tók ég þegar ég beið eftir strætó í gær, þótti viðeigandi að sýna ykkur skýlið mitt og strætóinn, 150S, sem ég heimsæki daglega.

Bílstjórinn skammaðist aldeilis í mér að hafa næstum blindað sig, alveg biluð kona. Það sem ég legg á mig fyrir ykkur!

Meistaramánuður

Elsku þið.

Þegar ég flutti til Danmerkur fyrir rúmum mánuði síðan, nánar tiltekið 24. ágúst (trúi ekki að það sé komið svona langt síðan!) þá lofaði ég að vera dugleg að blogga. Lífið hérna er yndislegt, alltof skemmtilegt, og ég miklaði það fyrir mér að setjast niður og skrifa nokkur orð. Eftir því sem lengri tími leið þá varð það enn erfiðara.

Í dag gekk í garð hinn víðfrægi Meistaramánuður - hvað er þá annað í stöðunni en að setja sér það markmið að blogga meira?

Það þarf ekki að vera langur pistill, bara smá update fyrir ykkur sem viljið fylgjast með lífi mastersstúdents í Danmerkur.

Klukkan er rétt rúmlega 23 hér í Baunalandi og ég þarf að mæta í skólann snemma í fyrramálið. Segi þetta gott í bili en á næstu dögum mun ég smám saman segja ykkur frá ævintýrunum hingað til, ævintýrum hvers dags fyrir sig & jafnvel setja á blað fleiri markmið en einungis bloggið. Tannþráðsátak er þó hafið og gengur hreint út sagt glimrandi!

Bið að heilsa ykkur.

Love,
Lilja

Elsku besta Vallý mín kom í heimsókn 13. september.
Hér erum við í Fields - í mátunarklefanum í H&M og á Baresso.

Morgunstund gefur gull í mund

Ég elska ekkert meira en að taka daginn snemma. Ein sem vinnur með mér spurði mig um daginn hvort mér þætti vont að sofa. Ég hló að því en það er nú kannski ekkert skrýtið að hún skuli hafa spurt.

Þar sem ég vinn vaktavinnu þá mæti ég ýmist í vinnuna kl 6:30 eða 14:30. Núna eru til dæmis tveir tímar í að ég eigi að mæta í vinnuna samt vaknaði ég kl 7, fór aðeins í ræktina, ákvað að slást í för með Höllu Karen hlaupahópsstjórnendanum mínum og fleirum upp Úlfarsfellið kl 8.10, naut þess í botn, skellti mér í sund, kom heim og borðaði brunch úti á bikiníinu, er búin að lesa í bókinni minni og núna er ég að skrifa þennan pistil og glugga í blöðin í leiðinni.

Sólardagarnir eru yndislegir & gera það svo auðvelt að vakna.

Mæli með því við alla að venja sig á það að taka daginn snemma & njóta - maður áorkar svo miklu!

Eigið yndislegan dag.

xxx
Lilja

Þessi var tekin rétt fyrir klukkan níu í morgun.
Reykjavík í bakgrunninn - yndisleg!

Camilla Läckberg

Þegar ég var yngri var ég algjör lestrarhestur. Eftir því sem ég varð eldri og byrjaði í menntaskóla og síðar háskóla fékk skemmtilesturinn að sitja á hakanum. Ég byrjaði nokkrum sinnum á einhverjum bókum en komst ekki mikið áfram - hélt ég hefði bara misst hæfileikann að lesa mér til yndis. 

Seinasta sumar leigði ég mér Ísprinsessuna eftir Camillu Läckberg sem er fyrsta bókin í svokallaðri Fjallabakka-seríu. Aldrei á ævi minni hef ég verið jafn spennt og ég gat varla lagt bókina frá mér. Það sumar kláraði ég allar sjö bækurnar (einnig Morð og möndlulykt sem er tæplega 200 bls) og ég vildi ekki trúa því að ég væri búin með þær allar. Það var mjög góð tilbreyting að sitja heima og lesa en ekki hanga í tölvunni!

Ég var í Bónus um daginn þegar ég sá áttundu bókina eftir Camillu, Englasmiðinn. Þaut strax upp á bókasafn og fór á biðlista eftir henni. Bókin er tæpar 500 bls og þar sem hún er ný er hún á 14 daga útláni. Þegar ég fékk hana í hendurnar var ég ekki lengi að klára hana og nú er ég komin á sama stað - búin með allar Camillu-bækurnar sem ég get lesið.

Mæli svo hiklaust með þessum bókum en þær eru í réttri röð:

Ísprinsessan
Predikarinn
Steinsmiðurinn
Óheillakrákan
Ástandsbarnið
Hafmeyjan
Vitavörðurinn
Morð og möndlulykt (stutt saga)
Englasmiðurinn

Mæli svo hiklaust með þessum bókum - öfunda þá sem eiga þær eftir!

xxx
Lilja

Ljótur en góður drykkur

Var að ljúka við nýja tegund af próteinsjeik. Fæ mér á hverjum degi en venjulega er það alltaf sá sami (sjá í eldri færslum) - ýmist með jarðarberjum og banana eða jarðarberjum og mangó. Að þessu sinni breytti ég aðeins út af vananum:

Súkkulaðiprótein
Frosin bláber
Frosið spínat
Chia-fræ
Lífrænar kókosflögur
Vatn
Klaki

Mixað & notið ... namm !

Gleymdi að festa drykkinn á filmu en í ljósi þess hversu ógirnilegur hann varð á litinn er það kannski bara ágætt.

Fann þessa mynd og minn drykkur varð reyndar sirka svona á litinn. Lítur bara mun betur út með bláberin og spínatið með.

Betra blogg á leiðinni.

Love love,
Lilja